Ek Taara

Aasaman me chamkte taare ko dekh...
ek chota sa bacha apni maa se bola...

maa ye taara kyu chamkta hai...
kya isme bhi koi bulb jalta hai...

bache ki masum baat sun.. maa muskurai...
bache ko ek choti si kahani sunai...

boli durr desh me jab andhera ho jata hai..
anjaan raho me insaan ghabra raasta bhatak jata hai...

tab bhagwan in taaro se aasman ko jagmagate hai..
bhatke rahi ko sahi raah dikhate hai...

taare to hume andhero me bhi chamkna sikhate hai..
zindagi me sach aur sahasi hamesha mushkilo ko durr baghate hai

bade hoke tujhe bhi in taaro sa jagmagana hai...
safalta ki seedhi chadte hue apna farz ko nahi bhulana hai...

unchaiyo pe pahunch khuch is tarah chamkna hai..
asamarth aur nirbal ki na bhujne wali roshni tujhe banna hai...

maa ki di hui seekh bache ke man ko bahut bhayi...
kaha bada hoke karunga wahi jo seekh tune hai sikhai...

Tera Sath

Chal diye anjaan raasto pe

Buland irado k sath

Kisi bhi haalato me

Chute na hatho se hath

...

Manjilein paa jayenge

Jo tune diya mera sath

Khushi to milegi tabhi

Jab manjil pe honge hatho me hath

Pyar hai tera to gum me bhi muskura rahe hai

 Wo sochte hain ki hum unse najre chura rahe hai
Durr rehke unko bhula rahe hai

Wo nadaan kya jaane hum apne aansoo chupa rahe hai
Har pal unhe hi yaad kiye ja rahe hai
...
Kehte hai ki hum jyada waqt sone me bita rahe hai
Par wo kya jaane sapne bhi unhi ke aa rahe hai

Saanso ko apni ye samjhaye ja rahe hai
Milne ki aas hai abhi isilie jiye ja rahe hai

Zindagi ka bhaar uthaye chale ja rahe hai
Pyar hai tera pass to dukh me bhi muskura rahe hai

IT ka Zamana

Monitor pe aankhe tika
Keyboard pe thoda tezz hath chala
Mouse ko chahe kahin bhi ghuma
Khuch bhi karke bug closure rate bhada

Chahe weekend pe bhi office aa
Overtime kar office me hi dinner kha
Idhar udhar na najre ghuma
Bus release time pe karte jaa

Shadi ki hai tune ye bhul ja
Office hi hai tera ab permanent pata
Yahan rehke yahin ka ho ja
Increment promotion to bus bhul ja

Apni aisi taisi karate ja
Leaves ke liye bhi boss ke aagey gidgidaa
Side by side switch ki taiyari karte ja
Par dusri jagah khuch diff hoga ye soch ke mat muskura

Ye IT ka hai zamana
Yahan teri watt lagayenge dhund k koi bahana
Isliye weekend ko na ganwana
Mauj masti kar nibha apna yaarana