Khushi aur Aansoo

pyar me chot aisi paayi...

aankhoein me aansoo ki ek boond bhi na aayi...

 

dil mera rota raha...

maano bachi kuchi saamsein ginta raha...

 

kyu dard ke baadal hai ghir aate...

kya ache nahi lagte log haste hasaate...

 

kyu tut jaate hai rishte naate..

kyu jane wale laut ke nahi aate...

 

duniya me koi reh jata hai kyu akela..

aati kyu nahi zindagi me uski sundar bela...

 

aansooyo me kya hai beh jaata...

dukh dard se koi alag kyu nahi hai reh paata..

 

kehte hai andhkar ke baad savera hai..

jaane kaun sa kal hoga jo bus mera hai....

 

roshni leke aaye wo zindagi me dobara...

kab tak akela rahunga main bechara..

 

zindagi se tut jaaye dard ka naata...

koi aaye aur jod de pyar se mera naata...

 

zindagi fir se haseen si ho jaye..

charo aur khushiya hi khushiya bikhar jaye...

 

aankho me aansoo ki jagah chamak ho nirali...

zindagi me ho pyar ki hamesha hariyali...

 

jahan bhi raho kush raho aur sada muskurao..

dusro ke aanssooyo ko muskaan me badalte jao....

Jeevan hai Anmol

Jeevan hai anmol

Na tum Samay barbaad karo..

Khush raho sada

Har kisi se tum Pyar karo

Haar Jeet ki fikar chod

Mehnat se na inkaar karo

Apno pe na kabhi shak

Na kabhi unse sawaal karo

Rakho Bharosa khud par

Apne bado ka samaan karo

Maata Pita ka aadar kar

Sapne unke sakaar karo

Milegi safalta ek din...

Upar wale ka vishwaas karo....

Khushiyo ki Dukan

Khushiyo Ki Dukan

Kaash hoti khushiyo ki dukan ek 

Milti uspe jeevan ki mithas anek

 Jab koi udas ho jata... 

Bus jaldi se dukan chala jata 

 Apne dukho ke badle wahan se

Khushiyo ke uphaar le aata

Dukan me khushiyo ki na kimat hoti 

Duniya me na kabhi koi nafrat hoti 

Na koi kabhi aansoo bahata 

Bus khushiyo ki baarish me bheeg jaata 

Kaash hoti khushio ki dukan ek 

Jo khushiyo se kar deti sansaar ko ek

-Poem By Peeyush

Ye Kaun Shaksh Hai Aaine Me

Ye kaun shaksh hai aaine me 

 Jo mujhpe muskura raha hai ....

Dikhta hai bilkul mere jaisa 

 par khuch yaad dila raha hai...

Jee raha hai kiski zindagi tu 

 ishare se ye samjha raha hai....

Sapne dekhe the tune kitne 

 Unko kyu bhula raha hai .....

Udna chahta tha khule aasaman me

 Aaj Unchaiyo se kyu ghabra raha hai...

Tod de saare bandhano ko 

 Himmat wo dila raha hai....

Dosto ko peechey chod... 

 kyu anjaan raho me bhada chala ja raha hai...

khol di hai aankhein jisne..

 zindagi ki nayi raah dikha raha hai...

Choti choti khushiyo me bhi 

 Jeena wo sikha raha hai....

Aaine me kaun shaksh hai Ye

 Jo mujhe zindagi ke maayne bata raha hai...

Poem By Peeyush