Naya Saal Aapko Mubarak Ho

naya saal aapko mubarak ho.....
sabke liye aane wala kal sukh  dayak ho..

saja rakhe dil me jo aapne sapne ho..
is saal aasha hai ki sab ke sab pure ho..

man me ek baar fir se harsh aur ullas ho..
bhichad gaye jo dost fir unka sath ho...

dil me khuch kar dikhane ka vishwas ho...
mehnat se manjil paane ka khwab ho....

bade bujurgo ke prati dil me samman ho..
burai ko jad se mitane ke liye sab taiyar ho...

jebkatra

Jebkatro se saawdhan..
har jagah dekha humne ye paigam

chadhe bus me poster bola sabhal ke bhai jaan..
Utre market me to khambe pe tha wahi nishan..

humne turant batue ko sehlaaya..
uski jaan khatre me pa use briefcase pe chupaya..

kya hoga agar batua ho gaya chori...
kaise khareedunga main bachho ki cheeje choti choti..

kyu in jebkatro ko sharam nahi aati...
kisi ki mehnat churate hai isliye inke ghar kabhi khushiya nahi aati..

chori se accha hai bhook ka ek din gujarna...
mehnat ka niwala hi gale se neechey utarana..

gar hai khud pe bharosa aur hai khushi ki chahat...
chodo bura kaam dekho darwaaje pe tumhare hai kaisi aahat..

khushiya dene aayi hai tumhare dur pe dastak.....
achhai ke aage to sab koi hai nat mastak....
chod do bura kaam ban jaao ek nek insaan....
mehnat karoge to bhuke nahi maroge lo tum ye jaan....

Life will Glow

Why are you down Why are you low...

Stand up and Give your problems a blow...

Don't Sit down Don't be Slow...

Make true effort and life will glow..

Have a dream and to achieve it make a workflow..

Follow your heart and success will overflow..

Move and move just like a river flow..

Make your way through the rocks steady and slow...

Life is a stage and we are the actors in this show...

Give your best shot ... before its time for your last bow....

Zinda ho tum

khuch karne ki chah liye jee rahe ho 

to zinda ho tum...

gar kisi ke aansso ko apna samjh rahe ho ..

to zinda ho tum....

gire hue ko sambhal rahe ho...

to zinda ho tum..

mata pita ko aadar samaan de rahe ho..

to zinda ho tum...

insaniyat ko samjh rahe ho 

to zinda ho tum...

diya hai sansar ne bahut uske liye kar rahe ho

to zinda ho tum

marne ke baad kisi ki aankhein ban rahe ho

to zinda ho tum

buraiyo ke samne buland hoke khade ho

to zinda ho tum....

kisi ke chahre ko  muskaan de rahe ho

to zinda ho tum....

Khushiyo ki Dukan

Khushiyo Ki Dukan

Kaash hoti khushiyo ki dukan ek 

Milti uspe jeevan ki mithas anek

 Jab koi udas ho jata... 

Bus jaldi se dukan chala jata 

 Apne dukho ke badle wahan se

Khushiyo ke uphaar le aata

Dukan me khushiyo ki na kimat hoti 

Duniya me na kabhi koi nafrat hoti 

Na koi kabhi aansoo bahata 

Bus khushiyo ki baarish me bheeg jaata 

Kaash hoti khushio ki dukan ek 

Jo khushiyo se kar deti sansaar ko ek

-Poem By Peeyush

Ye Kaun Shaksh Hai Aaine Me

Ye kaun shaksh hai aaine me 

 Jo mujhpe muskura raha hai ....

Dikhta hai bilkul mere jaisa 

 par khuch yaad dila raha hai...

Jee raha hai kiski zindagi tu 

 ishare se ye samjha raha hai....

Sapne dekhe the tune kitne 

 Unko kyu bhula raha hai .....

Udna chahta tha khule aasaman me

 Aaj Unchaiyo se kyu ghabra raha hai...

Tod de saare bandhano ko 

 Himmat wo dila raha hai....

Dosto ko peechey chod... 

 kyu anjaan raho me bhada chala ja raha hai...

khol di hai aankhein jisne..

 zindagi ki nayi raah dikha raha hai...

Choti choti khushiyo me bhi 

 Jeena wo sikha raha hai....

Aaine me kaun shaksh hai Ye

 Jo mujhe zindagi ke maayne bata raha hai...

Poem By Peeyush