Mera Desh Mahaan..

aaj fir dilo me uth raha hai tufaan..
maano jaag rha ho soya hindustaan...

dekh ke nayi roshni jaag gaye fir dilo me armaan..
lag raha maano keh sakenge fir se mera bharat mahaan...

hoga na koi garib milegi mehnat ko ek nayi pehchaan...
fir se hoga desh me jai jawan jai kisan aur jai vigyan..

sata na sakega koi kisi ko majboor jaan...
corruption aur garibi se milega sabko nidaan....

ruk na jaana tum manjil ko najdeek jaan....
desh ke liye de dena tum har balidaan....

baith na jaana kabhi mushkilo ko mushkil jaan...
sone ki chidiya kehlayega fir se mera bharat mahaan..


-Poem by Peeyush 

Sangini - Poem on Wife

chod ke apna ghar baar...
aayi wo mere jeewan me banke bahar...

kiya bado ka aadar satkaar...
aur diya choto ko bhi apna pyar...

deke mere sapno ko ek naya aakar..
sikha rahi mujhe karna unhe sakaar..

dhaal si ban jhel rahi hai bure samay ka waar..
muskura ke sikha rahi karna mushkile paar..

badhane ko honsla mera hai hamesha taiyaar..
kadam kadam pe himmat deta hai uska pyaar..

sapne me bhi na maanga tha rab se aisa yaar...
mil gaya mujhe sath iska upar wale ka aabhaar..

jod ke dil se dilo ke taar...
saja diya hai mera ghar sansaar

Poem by Peeyush

srishti (Nature)

saagar me uth rahe tufaan...
nadiya bhi le rahi massomo ki jaan...

 

khisak rahi dharti aa rahi hai baadh..
prakruti ka maano tut raha sabr ka baandh..

 

samjho gar samjh sako shrishti ka ye farmaan...
varna kahin ka na chodegi ye shrishti tujhe aey insaan

 

jis prakruti ne paala posa tujhe apna jaan..
aaj usi ko nasth karne me samjhe tu apni shaan..

 

ab bhi waqt hai sambhal jao aur lo ye baat maan...
srishti ke bina nahi hai teri koi pehchaan..

Chand pe jaana ho agar

chand pe jaana ho agar...
taaroein pe rakho tum najar....

nikal pado raaho me hoke nidar..
manjil milegi pura hoga tumhara safar...

hamesha rakho bharosa khud par..
kabhi na bura karo kisi par...

chahe mile tum kitni bi thokar
khade ho jao har baar girkar...

himmat se paoge safaltao ke shikar....
rahegi hamesha tum pe rehmo najar..
 

Pita - A poem on Father

Paida hue hum jab pita ka naam mila

Is sansaar me hume naya maan mila

Pyas se bhatakte ko registaan me taalab mila

Garmi se jalte ko neem ki chao ka thanda ehsaas mila

Gire jab jab hum uthane wala ek hath mila

Sahi raah dikhane wala ek sacha insaan mila

Mushkil ki ghadi me hamesha uska sath mila

Hamari har jarurat ko pura kare aisa sansaar mila

Himmat de humko aisa vishwas mila

Apni takat ko pehchan aagey bhadne ka paigam mila

Hamari khushi ki khatir pita ka balidaan mila

Khush nasib hoon main jo mujhe pita ke roop me bhagwan mila


-Poem by Peeyush 

Panchi

dekh ke ek panchi ko

ruk gaya main bheech raah me...

kyu akela ud raha hai wo

is khule aasaamn me..

 

kya chahat hai iski..

kya pehchan iski..

kya dhund raha hai wo..

is khule aasamman me..

 

dur tak na koi manjil hai..

najar na aa raha koi saahil hai..

kis bharose se ud raha hai wo..

is khule aasmaan me....

 

kaisi himmat hai iski..

kaisi lagan hai iski..

dekho mast ho ud raha hai wo..

is khule aasamaan me..

 

paayega jarur jo manjil hai iski..

milegi jo khushi hai iski...

nidar nirbhay ho ud raha hai wo..

is khule aasamaan me...

 

　

　

Aag dekhi hai Humne.. Dhuaa Dekha hai

aag dekhi hai humne ... dhua dekha hai...
bhook se bilhakte bachho ko rota dekha hai...

insaan dekhe hai humne ... unke vicharo ko dekha hai...
aagey badhne ki chah me unhe dusro ko raundte dekha hai....

immaarte dekhi hai humne.. unme base amiro ko dekha hai....
kisi ke janaje pe logo ko haste hue dekha hai....

neta dekhe hai humne... unke saath chalti bheed ko dekha hai...
sharab pila ke voto ko hathiyate dekha hai....

sadak dekhi hai humne.. bade bade pulo ko dekha hai...
milawat ke karan girne se .. dab ke marte majdoro ko dekha hai......

muskurahat dekhi hai humne.. logo ko haste dekha ha..
us hasi me chupi unki bebasi ko dekha hai....

daulata dekhi hai humne... uske peechey bhagte logo ko dekha hai..
chand noto ki khatir imandari ko marte dekha hai...

aag dekhi hai humne .. dhua dekha hai....
passe palatne pe ... insaano ko badalte dekha hai....