Chand pe jaana ho agar

chand pe jaana ho agar...
taaroein pe rakho tum najar....

nikal pado raaho me hoke nidar..
manjil milegi pura hoga tumhara safar...

hamesha rakho bharosa khud par..
kabhi na bura karo kisi par...

chahe mile tum kitni bi thokar
khade ho jao har baar girkar...

himmat se paoge safaltao ke shikar....
rahegi hamesha tum pe rehmo najar..
 

Dharti Meri Cheeni (धरती मेरी छीनी)

dharti meri cheeni tumne vriksh meere kaate..
lakeere kheech kheech desh tumne baate....

 

itna karke bhi kyu chain nahi tum paate..
bana ke dharam jaati , insaan bhi tumne baate...

 

apni jarurat ki khatir pradushan tum karte jaate...
kyu nahi apni ichao pe aaj lagam tum lagate...

 

ho jayegi nasth ye dharti nayi peedhi ke aate aate..
kyu nahi tum ek dusre ko khuch nek kaam sikhate...

 

hosh me aakar kyu nahi vriskh tum lagate...
kya dekh ke badhall dharti ko bi aaankho me aansoo nahi aate..

jebkatra

Jebkatro se saawdhan..
har jagah dekha humne ye paigam

chadhe bus me poster bola sabhal ke bhai jaan..
Utre market me to khambe pe tha wahi nishan..

humne turant batue ko sehlaaya..
uski jaan khatre me pa use briefcase pe chupaya..

kya hoga agar batua ho gaya chori...
kaise khareedunga main bachho ki cheeje choti choti..

kyu in jebkatro ko sharam nahi aati...
kisi ki mehnat churate hai isliye inke ghar kabhi khushiya nahi aati..

chori se accha hai bhook ka ek din gujarna...
mehnat ka niwala hi gale se neechey utarana..

gar hai khud pe bharosa aur hai khushi ki chahat...
chodo bura kaam dekho darwaaje pe tumhare hai kaisi aahat..

khushiya dene aayi hai tumhare dur pe dastak.....
achhai ke aage to sab koi hai nat mastak....
chod do bura kaam ban jaao ek nek insaan....
mehnat karoge to bhuke nahi maroge lo tum ye jaan....

Pita - A poem on Father

Paida hue hum jab pita ka naam mila

Is sansaar me hume naya maan mila

Pyas se bhatakte ko registaan me taalab mila

Garmi se jalte ko neem ki chao ka thanda ehsaas mila

Gire jab jab hum uthane wala ek hath mila

Sahi raah dikhane wala ek sacha insaan mila

Mushkil ki ghadi me hamesha uska sath mila

Hamari har jarurat ko pura kare aisa sansaar mila

Himmat de humko aisa vishwas mila

Apni takat ko pehchan aagey bhadne ka paigam mila

Hamari khushi ki khatir pita ka balidaan mila

Khush nasib hoon main jo mujhe pita ke roop me bhagwan mila


-Poem by Peeyush